Kuki worship Service happy valley hi hou jat chom chom kigom khom a 07, April,1997 kuma hung kiphut doh ahi. Ama hi solam gamkai shilling,East Khasi hills mun aum ahi. Hiche lai Houbung member hohi atam jo hohi sepoy pang le ex- sepoy ngen ahi. Sekul chapang jong in bahara a um a hiche lai ai houbung member a pang jong um ahi. KWS happy valley mun a um hohin mun chom2 aum Kuki worship Service a um ho toh atup le adoi abon a kibang chat a hung kiphut doh ahi. Hinlah aki vai poh dan hi KWS mun chom a um ho toh aki chat pon ahi. hou jat chom chom kipun khom na ahi jeh in, Denomination jouse hithei ding a kivai po ahi. KWS happy valley hi Meghalaya Government in register no E.16/4/of 2007/283. ahi a register ahi. Happy valley mun ahi nam jat chom chom chen na ahin, hice lai mun ahin, Mizo, Nepali,Khasi, Kuki, chuleh adang dang cheng khom ahi. Kuki insung atam jo hih hiche lai mun ahi cheg ahi
Kum 1996 kum hin Pa Lalpu Singsit le Pa Seilal Haokip hin in bahara in khat ah ala khom lhon in ahi. Hiche lai ah amani hin insung maicham ahin bol khom lhon in, ahung machal jing in ahi. Hitobang thil ahin bol lhon jeh chun insung tampin ahin jop uvin hiti chun member jat ahung tam cheh cheh tan, hiyi chun insung neocha khat a bol thei lou khop in ahung um doh tan ahi. Hiti chun lamkai hon KWS Shillong aum ho kom ah thum na ana nei uvin, mun lamchang gon pih din ana thum un ahi. Ahin lah KWS Shillong lang a lamkai hon ana bol pih thei tapouvin ahi. Achu ti phat chun Late Pu. Chongthu in chu bahara ala uvin Pathen houna ahung machal jing tan ahi. Hiti cun Kuki insung tamta in ajong ahinbel bel jeng taovin ahi. Hiti chun kum 1997,07 april chun KWS Happy Valley tin ahung kimin sah in, ahung kipan doh tan ahi. hiche KWS Happy Valley hi Rev. TS Thangboi Gangte in Pathen heng ah lhan doh na ana nei in, KWS a um a unit khat a um ding in ahin phong doh tan ahi. Kum 2005 kum chan chun ana um talou Pu. Chongthu in chu bahara in ana kila jing nalai in ahi. Pathen lungset najal in kum 2005 september nikho 15 ni chun, tu tua in mun kinei khu ahung kicho doh tan ahi. Ahin tuchan hin KWS happy valley hi KWS unit ho lah a lolhiing tah khat le machal jing khat chu ahung hioh tah ahi.
