Pastor Seiminthang Chongloi
(w.e.f. 01.01.2008 till 31.01.2013)
Pastor Seiminthang Chongloi hi Pu (L) Mr.Helkhohem Chongloi le Mrs. Vumneng Chongloi chapa lhumpen ahi. Pastor Seiminthang hi Thingphai kho, Sadar Hills, Manipur kon ahi. Aloinu Nl.Lamneichong (Chongneo) hi Pu Khupkai Khongsai (Molkon kho, Sadar Hills) chanu ahi. Pastor pa hin cha thum numei khat le pasal ni aneiyin ahi. South Indian Baptist Bible College and Seminary (SIBBCS), Combatore, Tamil Nadu a kona BD ahinchai ahi. Kum 1999-2005 sungah chun LM High School Molkon Village ah Secretary anapo in, chujou a pat in Pakai lhachana hinkho tong dingin Kuki Christian Church, Manipur anakipehdoh in ahi. Hiche nia pat chun Kangpokpi gambih pastor anapo in ahi. KWS Happy Valley in ngaichat dungjuiyin KCC Manipur komah pastor anakithum toh kilhon in Pastor Seiminthang hi ahinsoluvin ahi. Pastor Seiminthang in KWS Happy Valley houbung pastor, 2008-2012 sung anapo in ahi.
Pastor Paolun Haokip
(w.e.f.01.02.2013 till 25.01.2017)
Pastor Paolun Haokip hi All India KWS Co-Ordination Committee mopohna noiya Kuki Christian Leaders Fellowship (KCLF) koma KWS Happy Valley in ana kithum toh kilhon in, KCLF in Kuki Baptist Convention (KBC) a kona ahinsol ahi. Amahi kumli dinga deputation a KWS Happy Valley pastor dinga hung ahi. Pastor Paolun hi Gelbung kho, Sadar Hills, Manipur a kon ahi. KWS Happy Valley ahinjot masangin KBC gambih Singhat anapo in ahi. Ama hi achesa date 24th January 2013 a pat a KWS Happy Valley houbung sunga pastor na ahintoh pan ahitai.
